Malapit isa ka libo ang mga tawo nga nagbisita sa Handumanan Public Cemetery subong nga All Saints’ Day.
Sa interview sang Bombo Radyo kay PCapt. Leilani Lagoting, Station Commander sang Bacolod Police Station 10, alas-7:00 kaina sang aga, yara sa 600 tubtob 700 ka mga tawo ang nagagwa sulod sa Handumanan Public Cemetery.
Ginpanugyan sini sa mga magaduaw sa ila pinalangga nga minatay nga mag-inom sang madamo nga tubig bangud sa tuman ka init nga panahon.
Mangin alerto bangud sa kadamuon sang tawo kag magsunod sa mga pagsulundan sa sulod sang sementeryo.
Sa paglibot sang Bombo News Team sa Handumanan Public Cemetery, nangin matawhay ang sitwasyon sa sulod sang patyo bangud tanan nga mga vendors ang yara sa gwa lamang.
May yara man sang entrance kag exit gani wala nagaginutok ang mga tawo.
Sa gwa naman sang patyo, nangin matawhay ang dalagan sang trapiko sa bulig sang mga traffic enforcers.
