Nagdangat sa kapin kwatro mil ang mga benepisyaryo sang Department of Labor and Employment-Tulong Panghanapbuhay sa Ating Disadvantaged/Displaced Workers (DOLE-TUPAD) sa syudad sang Bacolod.
Sa interview sang Bombo Radyo Bacolod kay Bacolod City Lone District Congressman Greg Gasataya, nagapadayon sa lima ka dalagko nga barangay sa ciudad ang pagpatigayon sang cash for work program sang DOLE.
Ang requirements sang DOLE agud nga makaavail ang barangay sang cash for work sa idalom sang TUPAD amo ang makapasa sang liquidation sa mga pondo nga nadownload na sa ila kag ang mga nakaliquidate na ang ginafacilitate agud nga mapatuman ang cash for work program.
Ginlakipan sang Barangay Villamonte, Mansilingan, Taculing, Singcang-Airport kag Sum-ag ang nagapadayon sa pagpatuman sang cash for work.
Suno kay Gasataya, sa madason nga semana ifacilitate naman ang kapin napulo ka barangay agud nga mapatuman ang cash for work program sang gobyerno.
Ikaduha naman ini nga kahigayunan sa pagpatuman sang cash for work bangud sang bulan sang Oktubre, nakapatigayon man sila sa pila ka mga barangay sa syudad.
Ang TUPAD ang existing nga programa sang DOLE apang may yara sang gindownload ang ahensya nga pondo ang ahensya sa idalom sang Bayanihan 1 kag Bayanihan 2 gani ginafacilitate sang opisina sang kongresista ang pagtsekyar sang barangay nga mahimo mag-avail kag mapatuman ini.
Ginapasiguro man sang opisina ni Gasataya nga nagatupa ang pondo matapos nga ini ang direkta nga ginadownload sa barangay nga mapatuman ang cash for work program.
Ang mga benepisyaryo ang makakuha sang P5,925 matapos nga mag-ubra sa sulod sang 15 ka adlaw kag ang barangay ang nagatumod sang mahimo nila ubrahon para sa cash for work program.
Halos naman tanan nga mga barangay sa syudad ang narealesan na sang pondo para sa cash for work program magluwas nalamang sa mga barangay nga wala sang napasa nga liquidation sang pondo sang mga nagliligad nga tuig sa nasambit nga ahensya.
Ginpahayag man ni Gasataya nga santo sa memorandum sang DOLE nga ginpagwa sang tinalikdan nga semana ang pwede na maka avail sang cash for work ang mga SAP beneficiaries kag 4Ps beneficiaries ang indi mahimo makaavail sang cash for work program.
