Kapin P1.2 million nga suspected shabu, narecover sa drug buybust operation sa Brgy Handumanan kaina sang kaagahon

Halos P1.2 million ang balor sang suspected shabu nga narecover sa drug buybust operation nga ginpatigayon sa Zone 5, Barangay Handumanan, Bacolod City alas-3:40 kaina sang kaagahon.

Ang subject ang ginkilala nga si Eduardo Navarro alyas Borg, 44 anyos, single, wala sang trabaho kag residente sa nasambitan nga lugar.

Ang operasyon ang ginpatigayon sang City Drug Enforcement Unit sang Bacolod City Police Office (BCPO-CDEU).

Narecover kay Navarro ang walo ka sachet kag isa ka knot-tied plastic bag sang suspected shabu nga ginabanta nagabug-at sang 175 gramos nga may standard drug price nga P1,190,000.

Ang suspect ang natalana nga mangatubang sang kaso sa paglapas sa Republic Act 9165 ukon Comprehensive Dangerous Drugs Act of 2002.