Halos P1.2 million ang balor sang suspected shabu nga narecover sa drug buybust operation nga ginpatigayon sa Zone 5, Barangay Handumanan, Bacolod City alas-3:40 kaina sang kaagahon.
Ang subject ang ginkilala nga si Eduardo Navarro alyas Borg, 44 anyos, single, person with disability (PWD) bangod ini ang wala sang nawala nga kamot, kag wala sang trabaho.
Ang operasyon ang ginpatigayon sang City Drug Enforcement Unit sang Bacolod City Police Office (BCPO-CDEU).
Sa interview sang Bombo Radyo Bacolod kay CDEU Head Police Lt Col. Antonio Benitez Jr., gin-ako ni Navarro ang siya ang nadakpan naman sadto kag napriso bangod sa pagbaligya sang illegal nga droga.
Ini ang namonitor matapos ginreklamo sang mga pumuluyo sa ila lugar nga naperwisyo sa iya nga mga illegal nga transaksyon.
Narecover kay Navarro ang walo ka sachet kag isa ka knot-tied plastic bag sang suspected shabu nga ginabanta nagabug-at sang 175 gramos nga may standard drug price nga P1,190,000.
May ginreveal naman ini nga siya ang nagakuha sang supply lau Alyas Nening.
Sa paggwa sang resulta sang ginpadala nga drug items sa crime laboratory, gilayon man nila nga ipasaka ang kaso sa paglapas sa Republic Act 9165 ukon Comprehensive Dangerous Drugs Act of 2002.
