Lauman nga may yara sang kapin sa P1 nga saka sa presyo sang produktong petrolyo sa kada litro sa masunod nga semana.
Santo sa four-day trading sa MOPS (Mean of Platts Singapore) may ma-eksperyensyahan nga increase sa oil price sa Hunyo 17.
Suno kay Department of Energy-Oil Industry Management Bureau Assistant Director Rodela Romero, magasaka sa P0.90 tubtob P1.40 ang kada litro sang Gasolina, P1.00 tubtob P1.40 ang kada litro sang Diesel kag P1.00 tubtob P1.20 ang kada litro sang Kerosene.
Suno diri, ang pagbag-o sa presyo ang bangod sa tensyon sa tunga sang Israel kag Iran kun sa diin ang pagpang-atake ang nagatuga sang pagpamahog sa crude market.
Madumduman nga naglunsyar sang ballistic missiles ang Iran sa Israel kun sa diin naapektohan ang nuclear facilities sang Iran.
Kasubong man nga nagapadayon ang giyera sa Ukraine kag Russia.
Masami nga gina-anunsyar kada Lunes ang official price movements kada Lunes nga gina-implementar pagkasunod nga adlaw.
