Nagpain ang Department of Budget and Management (DBM) sang kapin P1 trillion nga pondo ukon kaangay nga 15.4 percent gikan sa proposed budget sa 2025 nga P6.352 trillion para sa sektor sang edukasyon.
Sa isa ka statement ginpahayag ni Budget Secretary Amenah Pangandaman nga ginhimo ang pagpain sang pondo sa masunod nga tuig para sa nasambit nga sector bangud ang edukasyon ang padayon nga nagapanguna nga prayoridad sang Marcos Administration.
Ang education sector ang ginabug-usan sang Department of Education, State Universities and Colleges, Commission on Higher Education kag Technical Education and Skills Development Authority (TESDA).
Suno kay Sec. Pangandaman, mas mataas ang proposed budget sa 2025 sang education sector nga yara sa kabug-usan nga P977.6 billion kumparar subong nga 2024 nga yara sa P968.9 billion.
Paathag naman sang tiglikom nga ibutang ang ibutang nga pondo agud nga suportahan ang mga programa sang Deped kalakip ang MATATAG Agenda for Basic Education kasubong man nga gamiton ini sa iban pa nga importante nga education programs kaangay sang School-based Feeding program.
