Kapin P2.00 nga saka sa presyo sang produktong petrolyo lauman sa masunod nga semana

Lauman ang kapin sa P2.00 nga saka sa presyo sang produktong petrolyo sa masunod nga semana.

Lauman nga magasaka sa P1.70 – P1.90 ang kada litro sang Gasolina; P1.00 – P1.20 ang kada litro sang Diesel kag P0.80 – P1.00 ang kada litro sang Kerosene.

Suno kay Rodela Romero, assistant director sang DOE Oil Industry Management Bureau, ang oil price hike ang bangod sa gindagdag nga sanction sang Estados Unidos sa seller sang oil sang Russia kag Iran.

Dugang pa sini, isa man sa factor nga nagapasaka sa presyo sang produktong petrolyo amo ang paghina sang peso batok sa dolyar.

Samtang, gin-implementar man sa gihapon ang price freeze sa Kerosene kag LPG products sa area nga ginpaidalum sa state of calamity.