Ginalauman sang presiding officer sang Sangguniang Panlungsod nga mapasar na subong nga adlaw ang kapin P4.5 billion nga budget sang probinsya para sa tuig 2021.
Sa interview sang Bombo Radyo kay Vice Governor Jeffrey Ferrer, ginpahayag sini igapresentar sang chairman sang Finance and Appropriations sa SP subong nga adlaw ang 2021 proposed budget para sa second reading kag ila diskusyunan kun may yara pa sang mga concerns.
Apang nagapati si Ferrer nga wala naman sang iban pa nga concern nahanungod diri bangud nakaagi na ini sa deliberasyon sang nagligad nga duha ka semana.
Suno diri, kun mapasar ang budget sa second reading, ipasulod ini gilayon sa third and final reading.
Gani, suno sa bise-gobernador, dako ang tiyansa nga mapasar ini subong nga adlaw bangud wala naman ini sang may nakit-an nga problema.
Nahibaluan nga mas mataas sang kapin P300 million ang budget nga ginpropose para sa 2021 kun ikumparar sa budget sini nga tuig.
