Kapin sa P5 million nga balor sang illicit cigarettes nakumpiskar sa lima ka indibidwal sa Purok Ozmeña, Brgy 2, Himamaylan City, Negros Occidental.
Sa buybust operation nadakpan sanday alias Bebot kag alias Totong, lunsay residente sang nasambit nga ciudad kag si alias Omar nga residente sang Zamboanga City.
Sila ang nadakpan sa bodega kun diin ginabutang ang mga karton sang illicit cigarettes.
Samtang sa follow up operation sa Taleon Beach Resort, Sitio Batang, Brgy Talaban, Himamaylan City, nadakpan sanday alias Peter kag alias Mark nga lunsay residente sang amo nga ciudad.
Si alias Peter kag alias Mark naman ang nadakpan samtang nagadiskarga sang mga karton.
Nakumpiskar ang 177 ka box sang Commando cigarettes kalakip na ang isa ka box nga amo ang buy busy item.
Ginapreparar na sang Criminal Investigation and Detection Group Regional Force Unit- Negros Island Region ang pagpasaka sang kaso sa lima ka naaresto sa pagbayolar sang RA 10643 ukon “Graphic Health Warnings Law”.
