Kapin P7 Million nga balor sang suspected shabu ang nakumpiskar sa nagapadayon nga kampanya batok sa illegal nga druga sa Purok 5, Brgy. Jilocon, San Jose, Negros Oriental, sang December 6, 2025.
Ini ang ginpatigayon sang Philippine Drug Enforcement kag Provincial Investigation Unit sang Negros Oriental Police Provincial Office kaupod ang San Jose Municipal Police Station, Philippine Drug Enforcement Agency, NOrPPO kag PDEG SOU NIR.
Ang operasyon ang nagresulta sa pag-aresto kay alias “Basim” HVI, 33 anyos, single, kag residente sang Brgy. Sta Agueda, Pamplona, Negros Oriental.
Narecover diri ang 16 medium sized heat-sealed transparent plastic sachet sang suspected shabu, dugang nga walo ka medium sized heat-sealed transparent plastic sachet sang suspected shabu, tatlo ka dalagko nga sachet sang suspected shabu, isa ka sachet sang suspected shabu bilang buybust item, non drug items, isa ka unit sang S&W caliber .357 mm revolver wala sang serial number nga may loaded sang caliber .38mm live ammunition; kag isa ka dark blue honda click motorcycle nga wala sang plate number.
Ang narecover nga suspected shabu ang nagabug-at sang 1019 grams nga may standard drug price nga P6,929,200.
Nakahunong na ang suspek sa San Jose Municipal Police Station kag natalana nga pasakaan sang kaso nga paglapas sa RA 9165 ukon Comprehensive Dangerous Drugs Act of 2002.
