Kapin P970, 000, balor sang halit sa nagluntad nga sunog sa Barangay 7, Bacolod City

Nagdangat sa P975,000 ang balor sang halit sa nagluntad nga sunog sa Purok Magnolia, 16th Lacson St., Brgy. 7, Bacolod City alas-2:09 kaina sang kaagahon, May 7.

Apat ka mga estruktura ang nahalitan sang sunog lakip na ang duha ka panimalay kag duha ka sari-sari store.

Suno sa report sang Bureau of Fire Protection, tatlo ka mga pamilya ukon 18 ka mga indibidwal ang apektado sa insidente.

Gindeklarar ang first alarm alas-2:14 sang kaagahon kag alas-2:24 naman gindeklarar nga fire out.

Wala naman sang may napatay ukon napilasan sa nasambit nga insidente.