Kapin sa 700 ka mga Filipino Muslims nagtipon sa atubang sang Bacolod City Government Center sa pagselebrar sang Eid’l Fitr

Nagtipon ang kapin sa 700 ka mga Filipino Muslims sa atubang sang Bacolod City Government Center sa pagselebrar sang Eid’l Fitr ukon ang Festival of Breaking the Fast.

Sa interview sang Bombo Radyo kay Naveed Ahmed, alas- 6:00 kaina sang aga, nagtipon ang muslim community kag nag-umpisa sa pagpangamuyo alas- 7:00 sang aga.

Nagdugay sa 10 tubtob 15 ka minutos kag matapos nagpauli ang tanan para magselebrar sa tagsa nila ka panimalay.

Suno kay Ahmed, wala sang dalagko nga selebrasyon ukon pagtililipon man.

Pahayag sini, sa atubang sila sang BCGC nagtililipon bangod malimpyo kag mahipid ang lugar kag ginpahanugotan sila sang alkalde nga magpatigayon sang pagpangamuyo sa area.