Ginapatihan nga naggikan sa Luzon ang kapin sa P8.10 million nga balor sang suspected shabu nga nakumpiskar sa Negros Oriental.
Setyembre 10 sang naaresto sang Bacong Municipal Police Station ang suspetsado nga si alyas ‘Opaw’, 45 anyos, residente sang Purok San Sebastian, Brgy Buntis, sa nasambit nga banwa kag ginakabig nga High Value Individual.
Nakuha sa paghinakop sini ang masobra sa 1,085 grams sang suspected shabu nga ginabanta nagabalor sang P7,378,000.
Samtang, arestado man ang isa ka lalaki sa ciudad sang Dumaguete matapos nga makuhaan sang masobra sa P1 million nga balor sang illegal nga druga.
Ang suspetsado ang ginkilala nga si alyas ‘Junny’ 40 anyos, residente sang Purok Iba, Brgy Palinpinon, Valencia, Negros Oriental.
Nakuha kay alyas ‘Junny’ ang kapin a 250 grams sang suspected shabu nga ginabanta nagabalor sang P1,700,000.
Sa interview sang Bombo Radyo kay PLt Stephen Polinar, public information officer (PIO) sang Negros Oriental Police Provincial Office, malawig ang ginpatigayon nga monitoring sa mga suspetsado antes natigayon nga madakpan.
Suno diri, may yara na sila sang lead kun diin naggikan ang illegal nga druga kag posible ini ang ginbyahe halin sa Luzon.
Pahayag ni Polinar, ang Negros Oriental ang gina-agyan lamang sang illegal nga druga kag wala sang illegal drug laboratory sa Negros Island.
