Dakop ang tatlo ka mga persona matapos nga madakpan sa ginpatigayon nga drug buybust operation sang Bacolod City Drug Enforcement Unit sa Blk 52 Lot 3, Deca Homes South Bacolod, Brgy Cabug, Bacolod City sang Martes sang kaagahon, Abril 8, 2025.
Ang mga nagkaladakpan ang ginkilala kanday Exequiel De La Serna 44 anyos, lalaki, kasado, wala sang trabaho kag residente sang Block 52, Lot 3, Deca Homes South Bacolod, Brgy Cabug, Bacolod City, ginakabig nga High Value Individual; Silveno Gane Jr, 29 anyos, lalaki, single, wala sang trabaho kag residente sang Blk 52 Lot 3 Deca Homes South Bacolod, Brgy Cabug, Bacolod City kag Kenneth Demetillo, 37 anyos, single, male,wala sang trabao kag residente sang Blk 73 Lot 1 Deca Homes South Bacolod, Brgy Cabug, Bacolod City lunsay ginakabig nga street level individual.
Nakuha sa paghinakop sang mga ini an isa ka heat sealed transparent plastic sachet nga may unod nga suspected shabu bilang buybust item, apat ka heat sealed transparent plastic sachet nga may unod nga suspected shabu sa paghinakop sini; isa ka knot-tied transparent plastic bag nga may unod nga suspected shabu, P1000 bill bilang buybust money kag mga non-drug items.
Ang narecover nga suspected shabu ang nagabug-at sang 65 grams kag ini ang nagabalor sang P442,000.
Yara na ang tatlo sa paghinakop sang mga kapulisan kag magapangatubang sang kaso nga paglapas sa RA 9165 ukon Comprehensive Dangerous Drugs Act of 2002.
