Nagdangat sa halos tunga sa milyon ang balor sang suspected shabu sa drug buybust operation sa Country Homes Subdivision, Barangay Alijis, Bacolod City alas-3:03 kaina sang kaagahon.
Ang subject ang ginkilala nga si Remwil Sellado alyas Hapon, 54 anyos, kasado, wala sang trabaho kag residente sa nasambitan nga lugar.
Sa operasyon sang City Drug Enforcement Unit sang Bacolod City Police Office (BCPO-CDEU), narecover ang anom ka heat sealed kag isa ka nakabugkos nga plastic sachet sang suspected shabu kalakip ang buybust item.
Ang suspected shabu ang ginabanta nagabug-at sang 70 gramos kag may standard drug price nga P476,000.
Si Sellado, nga ginakabig nga high value individual, ang mangatubang sang kaso sa paglapas sa Republic Act 9165 ukon Comprehensive Dangerous Drugs Act of 2002.
