Nagdangat sa kapin tunga sa milyon ang balor sang suspected shabu nga narecover gikan sa 32 anyos nga lalaki sa drug buybust operation nga ginpatigayon sa Purok Pedring, Barangay Estefania, Bacolod City ala-1:09 sang kaagahon subong nga Sabado de Gloria.
Ang naaresto ang ginkilala nga si Albert Bernasol alyas Toto, 32 anyos, single, wala sang trabaho, residente sang Purok Mahinawaon, Brgy 19, Bacolod City, yara sa Barangay Anti-Drug Abuse Council (BADAC) list kag ginakonsiderar High Value Individual.
Ang operasyon ang ginpatigayon City Drug Enforcement Unit sang Bacolod City Police Office (BCPO-CDEU)
Narecover gikan kay Bernasol ang anom ka sachet kag isa ka plastic bag sang suspected shabu nga ginabanta nagabug-at sang 65 gramos kag may standard drug price nga P442,000.
Ang suspect ang natalana mangatubang sang kaso sa paglapas sang Section 5 kag 11 sang Republic Act 9165 ukon Comprehensive Dangerous Drugs Act of 2002.
