Kapin P500,000 ang balor sang suspected shabu nga narecover sa tatlo ka persona sa drug buybust operation nga ginpatigayon sa Purok Kaingin, Barangay Singcang-airport, Bacolod City alas-2:11 kahapon sang kaagahon.
Ang mga naaresto ang ginkilala nga sanday Rodel Espuerta Sr., 56 anyos, kasado, ginakabig nga high value individual (HVI); Raffy Pelayo, 32 anyos, single kag Mary Rose De Pedro, 18 anyos, single, lunsay wala sang trabaho kag residente sa nasambitan nga lugar.
Sa operasyon sang Special Drug Enforcement Team, narecover ang lima ka elongated, duha ka big kag duha ka knot tied transparent plastic sachet sang suspected shabu nga ginabanta nagabug-at sang 70 gramos kag may standard drug price nga P476,000.
Ang tatlo ang mangatubang sang kaso sa paglapas sa Republic Act 9165 ukon Comprehensive Dangerous Drugs Act of 2002.
