Padayon pa ang imbestigasyon sang Talisay City Police Station sa suspek kag motibo sa pagpatay sa 36 anyos nga lalaki nga nasapwan sa kilid sang kampo sa Hacienda Sta. Maria, Barangay Zone 15, Talisay City, kahapon, pasado alas-6:00 sang aga.
Sa interview sang Bombo Radyo kay Police Major Jun Ray Batadlan deputy police chief sang Talisay City Police Station, ang biktima ang ginkilala nga si Marjun Bandala, 36 anyos, residente sang ciudad sang Bacolod kag siya ang ginkilala mismo sang asawa sini.
Suno kay Batadlan, nagkit-anay pa si Bandala kag ang asawa sini sang Miyerkules sang gab-i sa ciudad sang Bacolod antes ini nga naglakat sa trabaho.
Samtang, kahapon alas-7:55 sang aga nasapwan man nga wala na sang kabuhi ang driver nga si Armando Sepocado sa sulod sang truck nga ginamaneho sini sa Barangay Yubo kag Barangay Haguimit sa La Carlota City.
Siya ang may igo sang bala sa iya lawas nga amo ang rason sang iya kamatayon.
May nakuha man nga isa ka gamay nga sachet sang suspected shabu, toother kag iban pa nga drug paraphernalia.
Sa karun, padayon ang imbestigasyon sang kapulisan kun bala may koneksyon ang driver sang truck nga si Sepocado kag ang biktima nga si Bandala amo ang pahinante sini.
