Kapulisan, gina-review ang CCTV footage sa pagsolbar sang kaso ni Freya Go

May yara na sang lead ang Bacolod City Police Office sa pagsolbar sang kaso ni Freya Mae Go.

Suno kay Police Regional Office- Negros Island Region Director Arnold Thomas Ibay, gina-review na sa karon ang pila ka mga CCTV footages agud matumod kun sin-o ang ulihi nga upod ni Go antes masapwan nga wala na sang kabuhi kag wala sang pang-idalom nga panapton sa Barangay 12, Bacolod City sang Oktubre 22.

Suno kay Ibay, dako ang iya pagsalig sa Bacolod City Police Office sa pagsolbar sang krimen bangud sa madasig sini pagpangita sang lead sa kaso.

Sa karon yara ang haya ni Freya Mae Go sa Rolling Hills, Mandalagan.