Kapulisan, gindeploy sa pagbantay sa ginpatigayon nga Licensure Examination for Teachers sa UNO-R kaina sang aga

Nagdeploy sang uniformed personnel ang Bacolod Police Station 6 para sa security sang mga nagkuha sang Licensure Examination for Teachers sa University of Negros Occidental – Recoletos, kaina sang aga.

Sa interview sang Bombo Radyo Bacolod kay Police Captain Dax Santillan, station commander sang Bacolod Police Station 6, antes pa man ang examination, naghatag na sang security ang kapulisan sa pagsecure sa mga documents nga gingamit sa exam.

Suno diri, nagdeploy sila sang napulo ka mga uniformed personnel sa area samtang, yara man didto nakastand by ang Mobile Patrol Unit.

Wala naman sang kinagamo nga nagluntad samtang ginapatigayon ang exam kun sa diin nag-comply man sa rules ang mga examinees.