Naghamtang sang police assistance desk ang Bacolod City Police Office (BCPO) sa mga billeting schools nga ginatiniran sang mga delegasyon para sa Western Visayas Regional Athletics Association (WVRAA) Meet 2024.
Sa interview sang Bombo Radyo Bacolod kay Police Major Elmer Bonilla, station commander sa Bacolod Police Station 1, sila ang naka-assign sa Education Training Center School (ETCS) 1 to 3 kun sa diin nagatinir ang mga delegates gikan sa probinsya sang Capiz.
Paathag sini nga may tagduha nga nagabantay sa kada shifting 24/7 sa police assistance desk nga nahamtang sa sulod sang buluthuan.
Magluwas sa mga kapulisan, may-ara man sang augmentation ang mga force multipliers.
Apisar nga sakop man sa area of responsibility (AOR) sang Bacolod Police Station 1 ang Negros Occidental High School (NOHS) kun sa diin nagatinir ang Negros Occidental delegation, ang kustodiya ang ginhatag sang chief of operation sa Bacolod Police Station 5.
Ini bangod wala sang billeting schools nga nahamtang sa jurisdiction sang nasambitan nga Police Station.
Pasalig ni Bonilla sa mga pamunuan sang Capiz delegation, nga mahimo lamang magpalapit sa mga police personnel kun may-ara sang kinahanglan.
Samtang abiso naman sini nga sa tion nga magbiya sa billeting schools sa pagpadulong sa mga playing venues, nga mas maayo kun itugon sa mga mabilin nga kapulisan ang mga importante nga pagkabutang nga yara sa buluthuan, agud ini ang mabantayan.
