Padayun ang pahanumdom sang kapulisan sa mga pumuluyo sa doble nga pagpangaman sa pagpadulong sa mga festival sites sang Bacolod Masskara Festival 2026.
Sa interview sang Bombo Radyo Bacolod kay Bacolod City Police Office Director Police Col. Eugene Rebadomia, zero incident gihapon ang sa ila nga assessment, bangod wala na ginlakip diri ang natabo nga rambol sa Lacson Street sa isa ka pribado nga business establishment.
Ini bangod wala pa nakabukas ang Lacson Tourism Strip.
Suno kay Rebadomia, dako nga bulig ang presensya sang madamo nga kapulisan kag force multipliers, samtang nagabulig man sa ila ang media sa pagtumod sa mga area nga kinahanglan sang ila presensya.
Panugyan naman sini sa mga motorista nga magtsekyar sa facebook page sang BCPO kun sa diin nakapost ang rerouting schedule.
Samtang sa mga magadala sang salakyan, mensahe sini nga magpangita sang parking space nga may security ukon may presensya sang kapulisan agud malikawan nga mabiktima sang mga nagapang-abusar kaangay sang basag-kotse.
Apang kun mahimo, mas maayo man kun magcommute na lamang kag indi na magdala sang salakyan.
Isecure man ang mga pagkabutang sa pagpadulong sa mga festival sites, samtang seguraduhon man nga nakakandadto ang balay kun maglagaw nga wala sang mabilin.
Samtang kun magdala sang kabataan, ini ang dapat bantayan gid agud wala sang magkaladula.
