Kapulisan, may person of interest na sa nagapangawat sang materyales sa Bacolod vendors plaza

May person of interest na ang Bacolod Police Station 1 sa nagpangawat sang mga materyales sa vendors plaza apang ginahulat pa nga may magpalapit para magfile sang complaint.

Sa interview sang Bombo Radyo Bacolod kay Police Captain Francis Depasucat, station commander sang Bacolod Police Station 1, wala pa sang may nagpadulong sa ila nga estasyon para pormal nga magparekord sa pagpangawat sa vendors plaza.

Ini matapos nga nakuhaan sang video nga may nagapangkuha sang materyales sa area apisar nga nakordon ini.

Suno kay Depasucat, wala pa sila sang full identity sang kawatan samtang alyas pa lamang sini ang ila nakuha.

Pahayag sini, mas maayo nga ireklamo ang natabo nga kinawatay agud nga mahatagan sang husto nga tikang.