May yara na sa karun sang person of interest ang mga kapulisan sa nagluthang-patay sa Indian National sa Prk Bayanihan, Brgy Villamonte, Bacolod City sang Agosto 4 sang gab-i.
Sa interview sang Bombo Radyo Bacolod kay Police Lt. Col. Lester Leada, Deputy City Director for Administration for Administration sang Bacolod City Police Office, ang mga CCTV footage nga nakuha sa lugar ang ginpadala na nila sa Regional Anti-Cybercrime Unit (RACU) sang Police Regional Office-Negros Island Region para sa enhancement.
Suno kay Leada, may yara na sang witness kag may yara man sang person of interest.
Ginasiguro pa sang mga kapulisan ang consistency sang mga pahayag sang witness sa pagtumod sang suspetsado sa krimen.
Suno kay Leada, ginahulat pa nila ang resulta sang iban pa nga supporting evidences nga magatudlo sa suspek.
Pila sa mga motibo nga ginalantaw amo ang love triangle kag negosyo sang biktima.
Ginaimbestigahan pa sa karun kun ang suspek ang gun for hire ukon persona nga may daan nga higut-anon sa biktima.
Madumduman nga ginpatay sang gina-alegar riding in tandem suspects ang biktima nga si Akshdeep Singh, 43 anyos, samtang ini ang sakay sa iya motorsiklo.
Si Singh ang lima ka bulan pa lamang nga nagatinir sa Brgy Villamonte, Bacolod City, kag siya ang enggaged sa lending business ukon pa-utang.
