May person of interest na ang Bacolod Police Station 6 sa duha ka kawatan nga nagtaban sang P400,000 nga balor sang kwarta sa Brgy Taculing, ciudad sang Bacolod, kahapon kapin alas- 4:00 sang kaagahon.
Sa interview sang Bombo Radyo kay Police Captain Peter John Ramos, station commander sang Bacolod Police Station 6, sa CCTV footage nakita nga may duha ka persona nga naggamit sang bolt cutter para utdon ang kandado kag amo nga ginransack ang grocery store.
Suno diri, malapit lamang sa area ang balay sang tag-iya sang store apang kun magpauli ang mga ini, ila ginabilin ang kwarta.
Apisar nga may tabon ang nawong sang mga suspetsado nga nakita sa CCTV, may yara man sang witness.
Pahanumdom ni Ramos, kun may yara sang makita nga unusual sa palibot kaangay sang mga indi kilala nga tawo nga nagalibot-libot sa lugar, mas maayo nga ipahibalo ini kag mangin alerto.
