May yara na sang ginalantaw nga persons of interest ang Bacolod Police Station 1 sa nagtiro-patay sa 52 anyos nga contractor sa Bonifacio St, Brgy 12, Bacolod City kahapon sang aga.
Ang biktima ang ginkilala nga si Romy Li, nagapanag-iya sang Bacolod Republic Hardware Inc. kag residente sang City Heights Subdivision, Brgy Taculing, Bacolod City.
Sa interview sang Bombo Radyo Bacolod kay Police Captain Francis Depasucat, station commander sang Bacolod Police Station 1, masobra sa duha ka persons of interest ang ginalantaw sang mga ini nga may kahimuan sa pagpatay sa biktima.
Suno kay Depasucat, ginatutukan nila ang kaso kag nagalaom ini nga may witness nga makatudlo sa gunman.
Suno sa station commander nakahimo naman ini sang request agud nga makakuha sang kopya sang CCTV footages gikan sa mga pribado nga establishmento para sa imbestigasyon.
Suno diri, may nakuha sila nga kopya sang CCTV apang maburon man ang kuha sini.
Dugang pa ni Depasucat nga ang suspek ang nagastand by na sa lugar kag ginahulat ang biktima nga mag-abot.
Ginalantaw nga ang gunman ang may yara sang spotter kag driver sang gingamit nga getaway vehicle.
Ang biktima ang nagabaligya kag nagasupply sang construction materials.
Sa karun nagapadayon ang imbestigasyon sang Bacolod Police Station sa kaso sang biktima.
Una na nga ginpahayag sang empleyado ni Li, kahapon sang aga nanaog angfnegosyante sa iya salakyan may hinali nga nagpalapit nga lalaki nga naka t-shirt, short kag may facemask.
May duha ka lupok nga nabatian kag gilayon lang natumba si Li samtang ang suspek naman dali-dali nga nagpalagyo.
Ang biktima ginluthang sa likod sang iya ulo kag ginalantaw nga rason diri posible may kaangtanan sa negosyo sini.
