Kapulisan, nagapahanumdom sa mga ginikanan nga bantayan ang mga aktibidad sang kabataan kasunod sang mga online school threat

Nagpanugyan ang Bacolod Police Station 9 sa mga ginikanan nga bantayan ang mga aktibidad sang ila mga kabataan kag nagpasalig man nga ang mga kapulisan ang yara agud nga magsiguro sang seguridad sang mga kabataan.

Ini kasunod sang online threat nga nabaton sang Sum-ag National High School nga ginforward sa Bacolod Police Station 9.

Sa interview sang Bombo Radyo Bacolod kay Police Captain Greeky Cayao, station commander sang Bacolod Police Station 9, nakaestorya na sila sa school principal kag nakapatigayon naman sila sang ocular investigation.

Suno kay Cayao, nagwork from home ang mga manunudlo kag nagshift sa online class ang mga estudyante.

Sa karun ginatumod pa sang mga kapulisan ang nagpadala sang online threat.