Padayon ang panawagan sang kapulisan sa pamilya sang mga biktima nga ginpatay sang New Peoples Army nga magkoordinar agud mapadasig ang pagpasaka sang kaso batok sa mga suspek.
Sa interview sang Bombo Radyo Bacolod kay Negros Occidental Police Provincial Office spokesperson Police Captain Judesses Catalogo, ang mga biktima ang anay miyembro man sang makawala nga grupo nga gina-ingganyo nila nga magbalik sa hublag.
Suno diri, kun sin-o man ang nagapamalibad sa ila, ini ang ila ginapatay.
Suno pa diri, ginakalipay pa sang NPA ang ila ginahmo kag nagapadayaw pa sa pagpahibalo nga sila mismo ang suspek.
Pahayag ni Catalogo, nagahambal pa ang NPA nga asset sang gobyerno ang ila ginapatay apang lunsay mga sibilyan ang mga biktima santo sa record sang kapulisan.
Sa karun padayon ang panawagan sang kapulisan sa mga pamilya sang biktima nga makig-angot sa ila agud mapasakaan na sang kaso ang mga suspek kag mahatagan sang hustisya ang mga biktima.
