Ginpahanumdom sang kapulisan sa mga traditional jeepney drivers kag operators nga indi nila pwede nga punggan ang mga traditional jeepneys nga nagpadayun sa pagbyahe.
Sa interview sang Bombo Radyo Bacolod kay Police Lt. Col. Joery Puerto, pinuno sang City Operation and Management Unit sang Bacolod City Police Office, gin-abisuhan nila ang mga nagaprotesta nga magsaylo sa Bacolod Public Plaza bangod sila ang wala nakasecure sang permit.
Suno diri, ginhatagan sang isa ka oras nga ultimatum ang mga ralihista, kag hinali nga indi maghalin sa Bata Flyover, sila ang magagamit na sang dispersal unit.
Ginapakamaayo sini nga matawhay man nga nagsunod sa abiso ang mga traditional jeepney drivers kag operators.
Paathag sini nga sarang gid makapatigayon sang protesta sa bisan diin nga lugar nga nakabutang sa rally permit.
Apang kun wala sang permit, mahimo man sa plaza apang mas maayo kun mapahibalo ang ciudad sang temprano.
Ang mga traditional jeepney drivers and operartors ang nagplastar sa Gonzaga Street sa kilid sang plaza.
Suno kay Puerto, sila ang indi pwede maglapaw sa dalan bangod ini ang makabig obstruction sa baylo mas maayo nga sila ang magrally sa sulod na lamang sang plaza bisan pa tubtob mag-aga.
Apang isa sa concern ni Puerto amo ang mga report nga may mga nagabyahe nga traditional jeepneys nga ginabalabagan sang mga nagarally.
Suno diri, sila ang may kinamatarong nga magsinggitan sang ila hibubun-ot sa gobyerno, apang indi dapat halitan ang iban nga mga driver nga nagapangabuhi.
