Ginahulat nalang sang Bacolod Police Station 2 ang report gikan sa Scene of the Crime Operation (SOCO) agud mahibaluan kun sa diin ang pilas sang biktima sang pagpangluthang-patay sa Purok Lampirong, Brgy 2, Bacolod City, kahapon sang aga.
Ginkilala ang biktima nga si Aljune Baticados alyas ‘Malic’, 30 anyos, wala sang trabaho, kag residente sang Purok Masagana, Brgy 6, Bacolod City.
Sa inisyal nga imbestigasyon sang Bacolod Police Station 2, nagapanglakaton ang biktima sang hinali lang ini nga gintiro sang lalaki nga nagasuksok sang itom nga jacket, may tabon ang nawong, kag nagasakay sa itom nga motorsiklo.
Gilayon naman nga nalagyo ang suspetsado sa sur nga dereksyon.
Sa interview sang Bombo Radyo Bacolod kay Police Major Eugene Tolentino, station commander sang Bacolod Police Station 2, nagapatigayon sila sang follow-up investigation kag ginatinguhaan sang mga ini nga makakuha sang CCTV footage sa area sang insidente agud nga makabulig sa imbestigasyon.
Suno kay Tolentino, ang biktima ang ginareklamo nga nagapangsulod sa mga compound nga wala sang permiso.
Ginapahayag nga si Baticados ang may yara sang masakit apang indi pa masiguro kun ini ang may deperensya sa paminsarons.
Samtang ang suspect ang nagapabilin nga atlarge sa karun.
