Ginpahayag sang isa sa mga nagaubra sang streetlight sa Barangay Sincang-Airport nga may yara ini sang napanimahuan nga indi maayo antes pa man sini nasapwan ang isa ka bangkay sang babayi kahapon sang udto.
Sa interview kay alyas Jason, sang gintsekyar niya ang naga-alisngaw nga baho, nakita niya ang bangkay sang tawo.
Suno diri gindumdom pa sini nga patay nga sapat antes pa man nasapwan ang bangkay.
Ang bangkay nga nagakaya ang halos indi na makilala bangud nagapanghabok na ang iya nga guya.
Sa interview kay Police Captain Greeky Cayao, station commander sang Bacolod Police Station 8, sila ang nakabatun sang tawag nga nagapahibalo nga may nasapwan nga bangkay.
Suno kay Cayao, ang bangkay ang nagasuksok sang dark brown kag block skinny jeans.
Indi pa matumod ang edad sang bangkay bangud ini ang nagakaagnas na.
Nagapanawagan ang station commander sa Bacolod Police Station 8 sa kun sin-o man ang may himata nga wala nakapauli nga makig-angot sa ila.
Wala man sang may nakita nga pilas nga tuga sang pagpamuno ukon pagpangluthang sa biktima.
