Padayun ang panawagan sang Bacolod Police Station 4 sa mahimo nakakilala sa lalaki nga nasapwan nga patay sa Locerne St, Helvetia Heights, Barangay Villamonte, Bacolod City, kahapon.
Sa interview sang Bombo Radyo Bacolod kay Police Major Marc Joel Reclamado, station commander sang Bacolod City Police Station 4, nabatun na nila ang report sang Scene of the Crime Operation (SOCO) kag nakita nga may mga stab wounds ukon pilas tuga sang pagpamuno sa biktima.
Ini ang nasapwan nga nagatakilid sa duta kag madamo sang dugo.
Ang biktima ang may-ara sang tattoo sa lawas nga ginalakipan sang isda nga design sa nawala nga butkon gikan sa abaga tubtob sa siko, samtang may tattoo man ini nga ‘ely petino’ sa ibabaw nga bahin sang nawala nga dughan.
Sa karun padayun pa ang pagpangita sang witness sa krimen, kasubong man sang CCTV footages.
Importante nga matumod ang identity sang biktima agud ma-imbestigahan man ang mga kaupod sini kasubong man kun ini ang may kontra, nga mahimo mangin lead sa pagtumod sa suspect.
