Ginareview sang mga kapulisan ang CCTV footage sa pagtumod sang suspect sa pagbuno patay sa isa ka albularyo kag sang iya asawa sa ila nga puluy-an sa Don Hermino Village, Barangay 1, E.B. Magalona sang Miyerkules.
Madumduman nga samtang nagatulog ang 84-anyos nga si Bonifacio Dequit kag ang iya asawa nga si Virginia Dequit, gulpi lang nag nagsulod sa ila balay ang duha ka lalaki nga nakabonet kag ginbuno si Bonifacio sang makapila nga beses nga nagresulta sang iya kamatayon.
Samtang pilason naman ang asawa sini.
Sa interview sang Bombo Radyo Bacolod kay Police Master Sergeant Henry Mangana III, investigator on case sang EB Magalona Municipal Police Station, ginpahayag sini nga sa subong wala pa sila sang person of interest.
Suno diri, mabudlay ang pagtumod sang suspect bangud ang mga CCTV camera ang puro nakatutok sa mga establisyimento kag wala sa dalan nga possible gin-agyan sang suspect.
Suno kay Mangana, ginalantaw may kaangtanan sa ubra sang biktima ang motibo sa krimen
Ini bangud suno diri, madamo sang mga customer nga nagakadto sa balay sang biktima agud magpahilot sa iya nga posible may nangakig sa iya.
