Preparado na ang Police Regional Office – Negros Island Region sa patiagyonon nga Trillion Peso March subong nga adlaw.
Sa interview sang Bombo Radyo Bacolod kay PRO-NIR Spokesperson Police Lt Col. Joem Malong, 1,150 ka personnel ang ideploy kalakip na ang mobile kag motorcycle patrol kag foot patrol.
May yara man sang standby unit kag drone operations agud makabulig sa monitoring sa sitwasyon.
Sa karun suno kay Malong, naka-heightened alert na ang ila status sa ginalauman nga madamo sang magapartisipar sa rally.
Paathag sini nga ang presensya sang kapulisan indi agud pauntaton ang rally bangod sila magabantay agud mapabilin nga malinong kag matawhay ang rally.
Nakahanda naman ang Bacolod City Police Office para sa Trillion Peso March subong nga adlaw.
Sa interview sang Bombo Radyo Bacolod kay Police Major Elmer Bonilla, pinuno sang Traffic Enforcement Unit sang Bacolod City Police Office, ginalauman sini nga dako nga rally protest ang hiwaton subong nga adlaw sa ciuda.
Suno diri, narequest na ini sa Bacolod Transportation and Traffic Management Department (BTTMD) sang augmentation kag pag-assess sa dalanon.
