Nakahanda ang mga kapulisan sa ciudad sang Bacolod nga gin-augment agud nga magbantay sa ginpatigayon nga rally sang traditional jeepney drivers kag operators, sa ano man nga mahimo matabo.
Sa interview sang Bombo Radyo Bacolod kay Bacolod City Mobile Force Company Head Police Lt. Col. Ronnie Brillo, nakapreparar sila sa pagbantay sa rally sang Bacolod Alliance for Commuters Operators and Drivers (BACOD) kun sa diin sila ang nagdeploy man sang mga uniformed kag civilian Police Personnel sa Land Transportation Office (LTO) – Bacolod.
Ang mga ini ang nagamonitor sa mga aktibidad sang mga nagaprotesta kun sa diin ang mga uniformed personnel ang nagaserbe man nga police presence agud matapna ukon malikawan ang ano man nga mga plano nga nagabayolar na sa layi.
Dugang pa ni Brillo nga sa mionitoring sang Bacolod City Police Office (BCPO), sila ang wala man sang may namonitor nga mga komosyon sa mga routa sang traditional jeepneys sa ciudad sang Bacolod.
Nagapati ini nga pamatian man sang gobyerno ang demand sang mga nagaprotesta nga drivers.
Sa pihak nga bahin, bangod wala man sang ginpatigayon nga untat-byahe, wala man gin-activate sang BCPO ang Libre-Sakay program bangod nakita nila nga indi pa ini kinahanglan.
