Preparado na ang Bacolod City Police Office sa paghatag sang seguridad para sa Bacolaodiat Festival.
Subong nga adlaw ang kick-off kag ang highlighhts naman amo sa February 9 tubtob sa February 11, 2024.
Ang Festival site sa Lacson ang magaumpisa sa 6th Street tubtob sa 13th Lacson Street ukon tubtob sa L Fisher Hotel.
Ipahamtang ang tatlo ka stage sa dalan Lacson kalakip na ang main stage sa North Capitol Road.
Sa interview sang Bombo Radyo Bacolod kay Bacolod City Mobile Force Company Head Police Lt. Col. Ronnie Brillo, may yara sang mga personnel nga I-assign sa tanan nga venue sang festival.
Suno diri, may yara sang magabantay sa borders sa mga checkpoints kag may yara man sang magalibot nga mobile patrol sang kapulisan.
Maga-provide man ang Negros Occidental Police Provincial Office sang outer border control.
Pahayag ni Brillo, iya ginalauman nga mangin malinong kag masinadyahon ang pagselebrar ang Bacolaodiat Festival.
