Kapulisan sa Bacolod, wala sang nabaton complaint batok sa Chinese looking nga babayi

Wala sang may nagpalapit para magcomplaint sa natabo nga insidente sa Brgy Estegania, Bacolod City kun sa diin may isa ka babayi nga may laragway kaangay sang isa ka Chinese national ang nagakuha sang picture sang government issued ID sang mga tricycle drivers kabaylo sang P400.

Sa interview sang Bombo Radyo Bacolod kay Police Captain Francis Depasucat, station commander sang Bacolod Police Station 4, nahibaluan nga residente sang Brgy Mansilingan, Bacolod City.

Suno diri, gin-ingganyo sini ang mga nakuhaan sang litrato ang ila ID nga magpablotter bangod nga maka-alarma ang ini nga hitabo ilabi na nga lapnagon sa karun ang pagpangscam kag pagpangpeke sang dokyumento.