-- ADVERTISEMENT --
May person of interest na ang Murcia Municipal Police station angot sa truck driver nga ginluthang-patay sang tinalikdan nga semana.
Sa interview sang Bombo Radyo kay Police Major Sherwin Fernandez, hepe sang Murcia Municipal Police Station, may gina-tulok na nga duha ka persona nga responsable sa pagpatay sa truck driver.
Madumduman nga sang Oktubre 2, gin-luthang si Rodillo Aroza, 48 anyos, kasado kag residente sang Purok Madre Cacao, Barangay Sta. Cruz, Murcia, Negros Occidental, kun sa diin ini ang nasapwan na lamang nga wala na sang kabuhi kag may igo sang bala.
Dugang pa ni Fernandez nga personal grudge ang gina-tulok nga rason kung ngaa ginpatay si Aroza.
