May yara na sang person of interest ang EB Magalona Municipal Police Station sa nagtiro-patay sa 26 anyos nga lalaki sa Hda Paje, Brgy Consing, EB Magalona, Negros Occidental sang Agosto 19.
Ginkilala ang biktima kay Jan Edrian De Leon, lalaki, kag residente sang Grandville 3, Subd., Brgy Mansilingan, Bacolod City kag nagatrabaho bilang collector sang lending company.
Sa interview sang Bombo Radyo Bacolod kay Police Captain Markelly Laganipa, Deputy Chief of Police sang EB Magalona Municipal Police Station, may yara na sang person of interest kag ginalantaw isa lamang ang nagtiro patay sa biktima.
Wala man sila sang makuha nga witness sa krimen.
Nagapadayon man ang ila nga imbestigasyon agud nga matumod ang motibo kag suspek sang nagtabo nga shooting incident.
