Wala untat ang search and retreival operation sang La Castellana Municipal Police Station sa mga namissing bangod sa bagyo Tino.
Sa interview sang Bombo Radyo Bacolod kay Police Major Romulo Gepilango, hepe sang La Castellana Municipal Police Station, 15 na ang narekord nga casualty samtang 14 naman ang namissing.
Suno diri, may yara na sang duha ka canine dogs nga ginpabulig sa pagpangita sa mga namissing.
Suno kay Gepilango, adlaw-adlaw may mga nagapadulong sa ila opisina para mamangkot kag indi man sini mabasol ang mga pamilya nga nagabasol sa ila nga kulang pa ang ila trabaho.
Pahayag sini, iya gina-ako ng indi gid man tanan maakomodar nila bangod limitado lamang ang ila ikasarang apang nagpasalig ini nga sila nga mga pulis wala naga-untat sa pagtrabaho agud makita ang mga namissing.
