May napanaog na nga memorandum ang Philippine National Police (PNP) National Headquarters para sa pag-upod sang tanan nga PNP units sa Philippine National Flag Day.
Sa interview sang Bombo Radyo Bacolod kay Police Captain Judesses Catalogo, spokesperson sa Negros Occidental Police Provincial Office ang tanan nga PNP units sa bilog nga pungsod ang magadisplay sang mga hayahay sang pungsod sa gwa sang tagsa ka talatapan kag opisina humalin bwas Mayo 28 tubtob Hunyo 30.
Ang nabatun nga memo ang napaalinton naman sang NOCPPO headquarters sa lower units.
Paathag ni Catalogo nga ini ang gamay nga pamaagi sa pagpakita sang pagpalangga sa pungsod kasubong man pagdumdom sa mga baganihan nga nagsakripisyo sang ila kabuhi para sa kahilwayan sang pungsod.
Ini ang magaserbe man nga halimbawa para sa bag-o nga henerasyon, kag magatudlo sa ila sang importansya sang kahilwayan sang Pilipinas pinaagi sa pagdisplay sang hayahay sang pungsod.
Sa Hunyo 28, Philippine Independence Day, magapatigayon man sang aktibidad sa NOCPPO Headquarters.
