Nagpasalig ang spokesperson sang Negros Occidental Police Provincial Office nga indi maganubo ang efficiency sang kapulisan para sa maga-abot nga Barangay kag SK election, apisar nga nangin matawhay ang eleksyon sang tuig 2022.
Sa interview sang Bombo Radyo Bacolod kay Police Captain Judesses Catalogo, sa karun wala pa sang narekomendar ang COMELEC, AFP kag PNP nga mga area nga malakip bilang election concerned area.
Suno diri, masami nga ginadeklarar nga hotspot area ang isa ka lugar sa kada katapusan sang filing of candidacy kag ini ang nakabase sa hulag kag reaksyon sang opposing parties ukon magkasumpong nga kandidato.
Apang sa karun indi pa madeklarar nga hotspot ang isa ka area bangod indi man parehas ang mga hitabo sang nakaligad nga eleksyon sa mahimo matabo sa pala-abuton nga Barangay kag SK elections.
