Kasunod sa selebrasyon sang Philipine National Police sang 28th Police Community Relations Month, nagpadumdum ang tagpamaba sang Negros Occidental Police Provincial Office sa komunidad nga wala naga-untat ang kapulisan sa paghatag sang serbisyo sa mga pumuluyo.
Sa interview sang Bombo Radyo kay Police Captain Judesses Catalogo, humalin pa sang Hulyo 3 nag-umpisa ang PNP sa bilog nga nasyon sa mga aktibidades para sa Police Community Relations Month Celebration, kag sa karun madamo pa sang natalana nga mga aktibidades ang PNP para sa komuinidad.
Suno diri, nakig-angot ang NOCPPO sa mga Local Government Units nga ila luyag nga patigayunan sang mga activities kaangay sang dialogue program, feeding program kag out reach program ilabi na sa mga imol.
Pahayag ni Catalogo, ang PCR ginpatigayon agud may koordinasyon kag relasyon ang mga pumuluyo sa kapulisan.
Dugang pa niya, ini nagapatubo sang relasyon sang mga pumulyo sa kapulisan ilabi na sa luwas sang ila estasyon.
Importante man ang PCR nga ginakabig ang kalag kag corazon sang PNP, bangod nga bisan ano nga operasyon sang kapulisan kun wala sang koordinasyon sang komunidad, indi mangin masanyog ang ila programa.
Aminado man ini nga indi perpekto ang ilo organisasyon apang suno kay Catalogo, wala nila ginatolerar ang miyembro sang PNP nga naga-abusar sang ila pwesto sa trabaho.
Importanete suno kay Catalogo ang kolaborasyon sang tanan nga isa ka importante nga butang para mangin masanyog ang ila programa para sa kaayuhan.
Luyag sang PNP nga mapakita sa mga pumuluyo nga yara sila nagatrabaho kag nagapadayon nga nagatahag sang serbisyo.
