Suportado sang mga kapulisan sa Negros Occidental ang pagtukod kag pag-inagurar sang Balay Silangan Drug Rehab & Reform Center sa ciudad sang Silay.
Sa interview sang Bombo Radyo Bacolod kay Police Captain Judesses Catalogo, spokesperson sang Negros Occidental Police Provincial Office, ang mga kapulisan ang nagasuporta gid sa pagtukod sang balay silangan apisar nga ini ang spearheaded sang Philippine Drug Enforcement Agency (PDEA).
Suno kay Catalogo, ang balay silangan ang nagatuyo nga mabuligan ang mga persona nga imbulbado sa illegal nga druga.
Suno diri, ang mga individual nga imbulbado sa ilegal nga druga ang ginahatagan sang skills trainings sa sulod sang balay silangan agud nga sa tion nga magbalik sa komunidad, may yara na sila sang ikasarang agud nga magpangabuhi sa legal nga pamaagi.
Ginpanginbulagan man ni Catalogo ang Local Government Unit sang Silay City sa pagsuporta sa kampanya sang gobyerno batok sa illegal nga druga kasubong man ang pagbulig sa mga individual nga biktima sang illegal nga druga.
Samtang sa data sang NOCPPO nagdangat na sa 86 percent sang LGUs sa probinsya ang nadrug clear na.
