Naka-Full Alert Status na ang Negros Oriental Police Provincial Office para sa pagbantay sa mga sementeryo sa UNDAS 2026.
Sa interview sang Bombo Radyo Bacolod kay NORPPO Spkesperson Police Captain Stephen Jaynard Polinar, sila ang nakadeploy na sang mga personnel sa nagkalainlain nga sementeryo kag iban pa nga places of convergence.
Suno diri, ginatos man ang ila nga gindeploy, kag sa Dumaguete City ang may pinakadako nga deployment.
Suno diri, ginpapahuway lamang nila sang makadali ang mga kapulisan matapos ang nangin masako nga Buglasan Festival.
Kaupod man sang kapulisan sa pagbantay ang traffic management office, Beauru of Fire Protection, kag iban pa nga ahensya.
Panugyan ni Polinar sa mga magadu-aw sa ila minatay, nga halungan ang mga gamit partikular na kun madamo sang tawo sa sementeryo, samtang likawan ang magdala sang mga ginadumilian.
Pahanumdom man niya sa mga motorista nga maghalong sa pagdrive.
