Ginamaximize ang police visibility sa Western Visayas subong nga yuletide season.
Sa interview sang Bombo Radyo Bacolod kay Police Regional Office 6 spokesperson Police Lt. Col. Arnel Solis, sa pag-umpisa sang Christmas break ginalauman na nila ang pagdamo sang mga nagalagaw.
Suno diri focus sang mga kapulisan ang pagbantay sa mga areas of convergence kaangay sang malls, terminals kasubong man sa mga simbahan subong nga may Simbang Gabi.
Pahanumdom sini sa mga magabyahe by land, sea ukon air nga magdala lamang sang gamay nga bagahi ukon light travel kag temprano pa magpadulong sa mga ports ukon terminals.
Wala man ginapahanugutan nga magleave ang mga kapulisan subong nga Christmas season agud maseguro 24 oras sa isa ka adlaw kag pito ka adlaw sa isa ka semana nga pagbantay sa seguridad sang publiko.
Sa mga magabyahe by land, dapat nga tandaan ang BLOWBAGETS ukon ang baterry, lights, oil, water, brake, air, gas, engine, tire kag self.
Nagalaom man si Solis nga wala sang krimen subong nga paskwa gani ginpasanyog man nila ang information dissemination, agud may ihibalo ang publiko sa pagprebentar sang kriminalidad.
Kalakip na ang pagseguro nga nakakandado ang balay ukon secure ang bintana kun maglakat kag wala sang mabilin sa balay.
Maayo man nga itugon sa kaingod nga tsekyaron ang balay kun wala sang tawo agud maprebentar ang pagpangawat.
