Magluwas sa holiday season, ginapreparahan man sang Police Regional Office 6 ang nagahilapit nga annibersaryo sang Communist Party of the Philippines.
Sa interview sang Bombo Radyo kay PRO6 Director Brigadier General Leo Francisco, ginahandaan sang mga kapulisan ang ika-54 nga anibersaryo sang CPP sa Disyembre 26 kag naka-heightened alert status sila sa holiday season.
Nagpasalig si Francisco nga sila ang magahatag sang proteksyon sa tanan nga pumuluyo sa Western Visayas kag siguruhon ang peace and order sa rehiyon.
Ginpaandaman man sini ang mga kapulisan nga maghalog bangud sa pagpamahog sang mga rebelde.
Suno diri, may gin-assign na nga mga functions kag responsibilidad sa mga personnel gani nagapahanumdum ini sa ila nga sundon ang ila mga direktiba.
Lauman naman ang pagdugang sang police visibility kag magalain naman ang stratehiya sang mga kapulisan sa pagpakigbato sa krimen bangud naghalog na ang mga restrictions kag ginhukas ang lockdown matapos ang duha ka tuig nga COVID-19 pandemic.
