Nagapadayon sa gihapon ang La Castellana Municipal Police Station sa pagpangita sang mga na-missing nga mga persona bangud sa Bagyo Tino apisar sang pagterminate sang search and retrieval operation sang National Disaster Risk Reduction and Management Council (NDRRMC) kag sang Office of Civil Defense.
Sa interview sang Bombo Radyo Bacolod kay Police Major Romulo Gepilango, hepe sang La Castellana Municipal Police Station, wala sila nagauntat sa pagpangita sang mga nagkaladula nga mga persona.
Suno kay Gepilango, 14 sagihapon ang recorded nga missing sa banwa bangud wala pa sila sang recoveries kasubong sa malapit nga mga komunidad.
Suno diri, ang casualty ang nagpabilin man sa 15.
Ang mga pamilya sang mga nagkaladula nga persona ang padayon nga nagakuha sa ila sang update kun may yara na sang impormasyon angot sa ila himata.
Wala man sang pamilya ang nagpahayag nga untaton na ang pagpangita bangud nagalaom man ang mga ini nga bisan lawas nalang sang ila himata ang makita agud mahatagan sang nagakaigo nga paglubong.
