Wala sang nakita nga foul play sa kamatayon sang lalaki nga naglumpat gikan sa third floor sang Ayala Malls Capitol Central.
Sa interview sang Bombo Radyo Bacolod kay Police Major Eugene Tolentino, station commander sang Bacolod Police Station 2, pag-abot nila sa ginluntaran sang insidente, na-examine na sang medical team sang Bureau of Fire Protection Bacolod ang bangkay kag sila ang gilayon man nga nagtawag sang Scene of the Crime Operation sa pagproseso sang crime scene.
Suno kay Tolentino, sila ang gilayon man nga nagrequest sa staff sang mall nga matsekyar ang CCTV footage.
Nakita nila nga nagbuylo pa ang biktima antes naglumpat.
Ginapahayag man sang witness nga nagwave pa nga kaangay nga nagababye ang biktima antes maglumpat.
Sa paghinun-anon sini sa ginikanan, naglisensya ang biktima nga mapakay-o sang cellphone, apang nagab-ihan na kag wala pa makapauli.
Tubtob nga may nagpahibalo sa ila nga may naglukso sa mall.
Wala paman nila nakita ang medical records angot sa pahayag sang ginikanan nga nagasuprer sang depression ang biktima.
Aminado si Tolentino, nga indi mapaktan ang pinsar sang tawo apang kun nakahibalo na nga may kaangay nga ginabatyag ang miyembro sang pamilya mas maayo nga ini ang updan kun maggwa.
