May yara na sang identity ang isa ka kargador nga napatay matapos ginluthang sang Sabado sang kaagahon.
Madumduman ang shooting incident ang nagluntad sa Mercedes Street, Barangay 40, Bacolod City, sa balaligyaan sang mga panakot sa Libertad Public Market.
Sa interview sang Bombo Radyo Bacolod kay Police Captain Rosalino Pugoy, station commander sang Bacolod Police Station 6, nakuha na nila ang full name sang biktima apang indi pa mawaragwag sa kahanginan.
Wala pa maclaim ang bangkay sang biktima bangud ginalocate pa ang pamilya sini.
Suno kay Pugoy, ginatumod pa sang mga ini ang suspetsado nga nagtiro-patay sa biktima.
Suno diri, wala pa matumod ang motibo sa pagpatay sa biktima kag nagapadayon pa ang backtracking agud nga madakpan ang suspek.
Pilas sa ulo ang naangkon sang biktima nga ginalantaw nga gintunaan sang kamatayon sini.
Una na nga ginkilala ang biktima nga si alyas alog.
